Estyniad Canolfan Ymwelwyr

Nid yw cymeriad y cynlluniau arfaethedig yn annhebyg i’r hyn a welir ar y safle yn barod mewn gwirionedd, gan bod amryw adeilad diwydiannol i’w gweld o amgylch y chwarel, pob un wedi ei adeiladu ar gyfer defnydd pwrpasol ar wahanol gyfnodau. Nid ydi’r deunyddiau arfaethedig yn ceisio adlewyrchu’r rhai a welir ar y safle, ond mae’r ffurf yn llwyddo i wneud hynny. Mae maint yr estyniad yn cyd- fynd â’r Felin/ Sied Dorri, o ran cynllun llawr, o ran hyblygrwydd y gofod mewnol ac hefyd o ran llethr y to, sydd efallai yn fwy dealladwy o’r De na’r Gogledd. O’r Gogledd, mae’r drychiadau yn weddol syml, ac hynny er mwyn arwain llygaid y cwsmer tuag at y fynedfa, sy’n ganolog. Mae’r gymysgedd presennol o garreg a llechi wastad yn cael ei amlygu, hefo’r waliau bloc moel ar cladding plastic yn cael ei ddisodli hefo cladding metal du modern er mwyn clymu’r dyluniad hefo’i gilydd. Mae’r deunyddiau sydd wedi eu dewis yn syml ac yn gynnil er mwyn amlygu’r pileri llechi, ac hefyd er mwyn rhoi elfen fodern i ddangos y rhan newydd o’r adeilad. Teimlor bod y cladding tywyll yn erbyn y gwydr a’r lechen yn syml ac yn adlewyrchu’r hyn sydd o’i gwmpas.